Osta lasanja
Hvort sem þú kýst ritháttinn lasanja eða lasagna, nú eða lasagne er nokkuð víst að þú verður ekki fyrir vonbrigðum með þessa matarveislu.
Frábær fjölskylduréttur með nóg af ostum og öðru góðgæti.
Innihald
6 skammtar
Lasagnaplötur ferskar
nautahakk
laukur, saxaður
hvítlauksgeirar, pressaðir
dósir hakkaðir tómatar
tómatpúrra
þurrkað óreganó
þurrkuð basilika
ítalskt pastakrydd
salt og pipar
klípa íslenskt smjör
Rjómaostur til matargerðar frá Gott í matinn
Rifinn gratínostur frá Gott í matinn
Raspaður Feykir (Goðdalir)
Piparostur frá MS (má sleppa)
| Lasagnaplötur ferskar | |
| nautahakk | |
| laukur, saxaður | |
| hvítlauksgeirar, pressaðir | |
| dósir hakkaðir tómatar | |
| tómatpúrra | |
| þurrkað óreganó | |
| þurrkuð basilika | |
| ítalskt pastakrydd | |
| salt og pipar | |
| klípa íslenskt smjör | |
| Rjómaostur til matargerðar frá Gott í matinn | |
| Rifinn gratínostur frá Gott í matinn | |
| Raspaður Feykir (Goðdalir) | |
| Piparostur frá MS (má sleppa) |
Skref1
- Bræðið smjörið á pönnu og steikið laukinn og hvítlaukinn þangað til að hann er aðeins búinn að taka sig.
- Takið af pönnunni og skiljið frá smjörinu.
Skref2
- Þurrsteikið hakkið og kryddið með óreganó, basilíku, ítalska kryddinu, salti og pipar.
- Bætið lauknum út í og því næst tómatpúrrunni og hökkuðu tómötunum.
- Látið malla þangað til hakkið er alveg orðið eldað.
- Smakkið til og bætið við óreganó eða öðru kryddi eftir smekk.
Skref3
- Þá er komið að samsetningunni.
- Byrjið á að setja hakksósuna í botninn á eldföstu formi. Leggið lasagnaplötur yfir og smyrjið þær með rjómaosti, eða slumpið yfir plöturnar. Endurtakið þetta en passið að eiga hakk fyrir efsta lagið.
- Dreifið rifnum Gratínosti yfir í lokin. Gott er að raspa Feyki eða rifinn piparost fyrir þau sem vilja fá sterkara bragð.
- Bakið í ofni við 180 gráður í ca. 45 mínútur.
- Ef þið getið stillt ykkur og beðið í um 10 mínútur eftir að þetta er tekið úr ofninum þá er mun auðveldara að skera í hæfilega skammta.
