Ómótstæðileg karamellukaka

Karamellukaka - aðferð

• Hitið ofninn í 175°C með blæstri. Þeytið saman smjör, sykur og vanillu þar til létt og ljóst. Bætið eggjunum út í einu í einu og hrærið vel á milli.
• Pískið saman í annarri skál, hveiti, salti og lyftidufti. Bætið þurrefnablöndunni út í smjör og eggjablönduna og hrærið þar til komið alveg saman en gætið þess að hræra ekki of lengi.
• Smyrjið kökuform vel með mjúku smjöri þannig að þekji allar hliðar og botn. Setjið þá 2 msk. af hveiti í formið og dustið því um formið þannig að það límist við allt smjörið.
• Jafnið kökudeiginu í formið og bakið í u.þ.b. 40-45 mínútur eða þar til prjóni sem stungið er í kökuna kemur hreinn upp.
• Takið úr ofninum og látið kólna í 5-10 mínútur á borði. Hvolfið kökunni þá úr forminu og látið kólna á meðan þið gerið karamelluna.

Rjómakaramella - aðferð

• Setjið rjóma, síróp og sykur í pott og komið suðunni upp. Lækkið þá hitann og látið sjóða við vægan hita í 20-25 mínútur eða þar til karamellan er fallega gyllt og hefur þykknað. Gott er að hræra mjög reglulega í karamellunni og passa að hún sjóði ekki upp úr. Ég hef mína spanhellu stillta á 3-4 af 14 og læt malla þannig.
• Bætið þá smjörinu, vanillu og salt út í hrærið vel og takið af hitanum. Leyfið karamellunni að kólna niður í stofuhita og hellið svo yfir kökuna.
• Það er mjög gott að bera kökuna fram með þeyttum rjóma og ferskum berjum.

Höfundur: Helena Gunnarsdóttir