Ofnbakað sushi með laxi og risarækjum
Ef þú ert sushi aðdáandi eins og ég þá er þetta eitthvað sem þú munt elska! Rétturinn er í sjálfu sér ekki flókinn og hægt er að undirbúa hann með fyrirvara ef þig langar að bjóða upp á hann t.d. í matarboði eða veislu. Í botninn á eldföstu móti fer gott lag af sushi hrísgrjónum, þar ofan á fara rifin nori blöð, því næst blanda af risarækjum og laxi með hreinum rjómaosti, japönsku majónesi og sriracha sósu. Svo er þetta toppað með sesamfræjum, vorlauk og meira af japanska majónesinu og sriracha. Dásamlegt að bera fram með niðurklipptum nori blöðum, gúrkubitum og avocado.
Innihald
5 skammtar
sushi hrísgrjón
hrísgrjónaedik
sykur
salt
risarækjur, soðnar
eldaður lax
rjómaostur til matargerðar frá Gott í matinn
japanskt majónes
sriracha sósa
nori blöð
•
svört sesamfræ
•
wasabi sesamfræ
•
saxaður vorlaukur
•
sojasósa
•
avocado, magn eftir smekk
•
agúrka
| sushi hrísgrjón | |
| hrísgrjónaedik | |
| sykur | |
| salt | |
| risarækjur, soðnar | |
| eldaður lax | |
| rjómaostur til matargerðar frá Gott í matinn | |
| japanskt majónes | |
| sriracha sósa | |
| nori blöð | |
| • | svört sesamfræ |
| • | wasabi sesamfræ |
| • | saxaður vorlaukur |
| • | sojasósa |
| • | avocado, magn eftir smekk |
| • | agúrka |
Skref1
- Byrjið á því að elda sushi hrísgrjónin: Skolið hrísgrjónin vel og hellið vatninu af. Endurtakið þar til vatnið verður glært.
- Setjið svo hrísgrjónin í pott með köldu vatni og látið liggja í bleyti í 30 mín. Hellið þá vatninu af og setjið tvo bolla af vatni í pottinn.
- Setjið lokið á og kveikið undir. Leyfið suðunni að koma upp og lækkið þá hitann strax niður í lægsta hita. Varist að taka lokið af á meðan þau sjóða.
- Sjóðið grjónin í 15 mín. og slökkvið svo undir og leyfið pottinum að standa óhreyfðum með lokinu á í 10 mín.
Skref2
- Hitið ofninn í 200°C með blæstri.
- Penslið laxinn með örlítilli olíu og saltið og piprið.
- Bakið laxinn í ofninum í ca. 15 mín. Einnig er gott að nota airfryer og styttið þá eldunartímann örlítið.
- Saxið rækjurnar mjög smátt og setjið í skál.
- Takið roðið af laxinum og bætið út í skálina með rækjunum.
- Setjið rjómaost, japanskt majónes og sriracha sósu saman við og blandið vel saman.
Skref3
- Setjið hrísgrjónin í eldfast mót og þjappið vel.
- Takið þrjú nori blöð og kremjið og rífið smátt og dreifið yfir hrísgrjónin
- Smyrjið rækju- og laxablöndunni yfir hrísgrjónin og nori blöðin og sléttið úr.
- Bakið í 10 mín. og setjið svo á grillstillinguna í ofninum og bakið áfram í 5 mínútur.
Skref4
- Sprautið japönsku majónesi yfir heita bökuna ásamt sriracha sósu.
- Stráið þá svörtum sesamfræjum, wasabi sesamfræjum og söxuðum vorlauk yfir.
- Gott er að klippa restina af noriblöðunum í fernt og bera fram með sushi-inu ásamt avocado sneiðum og gúrkubitum.
Höfundur: Valgerður Gréta Gröndal