Myntumolar með rjómaosti og súkkulaði

Skref1

• Hrærið saman rjómaost og 30 g af flórsykri í kekkjalausa blöndu.
• Bætið þá myntudropum og matarlit saman við og hrærið vel.
• Þá setjið þið afganginn af flórsykrinum saman við í nokkrum hlutum og hrærið vel á milli.
• Deigið verður nokkuð þykkt og það getur verið gott að hnoða það í restina.

Skref2

• Mótið litlar kúlur og raðið á bökunarpappír.
• Gerið holu ofan í kúlurnar með fingri, skeið eða sleifarenda.
• Setjið í kæli í klukkustund.

Skref3

• Hitið rjóma að suðu og brjótið súkkulaði út í.
• Bræðið á vægum hita og hrærið saman.
• Látið kólna aðeins og hellið í sprautupoka.
• Lokið honum vel og setjið í kæli í 30 mínútur.

Skref4

• Takið kúlurnar og súkkulaðið úr kælinum.
• Klippið á enda sprautupokans og sprautið súkkulaðinu ofan í myntuskálarnar.
• Kælið í klukkustund.
• Skreytið að vild og geymið myntumolana í kæli.
• *Athugið að það er líka fallegt að fletja deigið þunnt út og smyrja súkkulaðinu ofan á það. Þá er best að fletja það út í nokkrum hlutum, fletja gróflega, setja aðeins í kæli, fletja aftur og setja aftur í kæli þar til réttri þykkt er náð. Súkkulaðinu er svo smurt ofan á og svo má skreyta að vild. Fallegt að skera plötuna niður í litla tígla.

Höfundur: Halla Bára Gestsdóttir