Mozzarella páskakanínur
Ferskur mozzarella er í miklu uppáhaldi hjá mér og notkunarmöguleikarnir eru endalausir. Þessar mozzarella páskakanínur eru fullkomnar í páskabrunchinn og setja skemmtilegan svip á veisluborðið.
Innihald
1 skammtar
•
snittubrauð
•
stórar mozzarella kúlur
•
mozzarella perlur
•
cheddar ostur (sem gulrætur)
•
ferskt dill sem skraut
•
kirsuberjatómatar
•
svört sesamfræ (eru t.d. í beyglukryddi)
•
rjómaostur með tómötum og basilíku frá MS
•
grænt pestó
•
fersk basilíka sem skraut
| • | snittubrauð |
| • | stórar mozzarella kúlur |
| • | mozzarella perlur |
| • | cheddar ostur (sem gulrætur) |
| • | ferskt dill sem skraut |
| • | kirsuberjatómatar |
| • | svört sesamfræ (eru t.d. í beyglukryddi) |
| • | rjómaostur með tómötum og basilíku frá MS |
| • | grænt pestó |
| • | fersk basilíka sem skraut |
Aðferð
- Skerið snittubrauðið í hæfilega þykkar sneiðar, örlítið á ská svo hver sneið verði nógu stór.
- Ristið brauðið í brauðrist eða í ofni við 180 gráður í um 10-15 mín eða þar til þær eru ristaðar.
- Smyrið helming með pestóiog hinn helminginn með rjómaostinum.
- Búkurinn á páskakanínunum er búinn til úr stóru mozzarella kúlunum, þær eru skornar í sneiðar og skornar í hringi með skeið eða álíka áhaldi. Litlu mozzarella kúlurnar eru notaðar í hausinn og eyrun.
- Gulræturnar eru mótaðar úr cheddar osti, dill einnig notað sem skraut í gulræturnar.
- Augun eru svört sesamfræ sem ég tek úr beyglukryddi.
- Kirsuberjatómatar eru skornir í tvennt, öðrum helmingnum snúið við og þá myndast hjarta. Hjarta kanínan er einnig skreytt með ferskri basilíku.
- Afskurðurinn af mozzarella ostinum rennur ljúflega niður í litla maga eða sniðugt að nota á pizzu.
Höfundur: Helga Magga