Mexíkósk kjúklingasúpa að hætti Tinnu Alavis

Skref1

• Steikið kjúklingalundir upp úr íslensku smjöri og kryddið vel með chili kryddi, salti og pipar.
• Þegar kjúklingurinn er steiktur í gegn er hann tekinn af pönnunni, skorinn í bita og settur til hliðar.

Skref2

• Takið fram pott og steikið rauðlaukinn þar til hann er farinn að mýkjast og bætið þá við hvítlauk og papriku.
• Þegar grænmetið er búið að malla á vægum hita í u.þ.b. 5 mínútur er tómatsúpunni og niðursoðnu tómötunum hellt út í pottinn ásamt einni öskju af ferskum tómötum og 300 ml af vatni.

Skref3

• Leyfið súpunni að malla á miðlungs hita í 4-5 mínútur og bætið þá við 125 g af rjómaosti og 300 ml af rjóma.
• Hrærið í súpunni þar til rjómaosturinn hefur bráðnað og setjið steikta kjúklinginn út í súpuna. Leyfið súpunni að malla áfram í 15 mínútur þannig að rétt sjóði í henni.
• Berið fram með sýrðum rjóma, nachos og rifnum Mozzarella osti.

Höfundur: Tinna Alavis