Mexíkó panna með hakki og cheddar

Skref1

• Hitið smjör á stórri pönnu við meðalhita.
• Bætið lauknum út á og steikið í 3–4 mínútur þar til hann er mjúkur.
• Bætið þá hvítlauk og papriku út á og steikið í 2–3 mínútur þar til grænmetið mjúkt.
• Bætið þá hakkinu út á ásamt kryddinu og steikið áfram.

Skref2

• Bætið á pönnuna maís, svörtum baunum, tómatadós, salsasósu, hrísgrjónum og vatni.
• Blandið vel saman, hleypið suðunni upp, lækkið þá hitann og látið malla undir loki í 15-20 mínútur eða þar til hrísgrjónin eru soðin.
• Bætið við vatni ef ykkur finnst þurfa.

Skref3

• Smakkið réttinn til með kryddi, salti og pipar, stráið svo rifnum ostinum jafnt yfir réttinn.
• Hitið ofn á 240 gráður eða setjið á grillstillingu, setjið inn í ofn og bakið þar til osturinn er gullinbrúnn.
• Ef þið eigið ekki pönnu sem má fara inn í ofn má einfaldlega færa réttinn yfir í eldfast mót áður en rifna ostinum er dreift yfir.

Skref4

• Takið pönnuna eða eldfasta mótið úr ofninum og látið standa í 10 mínútur.
• Stráið kóríander yfir, toppið með avocado, tómötum og sýrðum rjóma og kreistið smá lime yfir ef vill.
• Berið fram með nachos flögum.

Höfundur: Helena Gunnarsdóttir