Mascarpone tortellini með tómat og spínati
Hér kemur ein lauflétt og fljótleg pasta uppskrift sem er í miklu uppáhaldi en henni er hægt að breyta og bæta eftir eigin höfði.
Mascarpone ostur er frábær í matargerð. Hann gefur dásamlegt rjómabragð á móti skarpri tómatsósunni og bakast skemmtilega í ofninum.
Innihald
4 skammtar
ferskt eða þurrkað tortellini pasta
laukur, smátt saxaður
hvítlauksrif, smátt söxuð
smjör
ferskt spínat, saxað
hakkaðir tómatar
tómatpaste
grænmetiskraftur eða grænmetisteningur
Salt og pipar
íslenskur Mascarpone frá Gott í matinn
fersk mozzarellakúla
Rifinn parmesan ostur eftir smekk
| ferskt eða þurrkað tortellini pasta | |
| laukur, smátt saxaður | |
| hvítlauksrif, smátt söxuð | |
| smjör | |
| ferskt spínat, saxað | |
| hakkaðir tómatar | |
| tómatpaste | |
| grænmetiskraftur eða grænmetisteningur | |
| Salt og pipar | |
| íslenskur Mascarpone frá Gott í matinn | |
| fersk mozzarellakúla | |
| Rifinn parmesan ostur eftir smekk |
Skref1
- Sjóðið pastað samkvæmt leiðbeiningum. Sigtið vatnið frá og setjið pastað til hliðar.
Skref2
- Steikið laukinn og hvítlaukinn í smjörinu þar til mýkist.
- Setjið spínatið á pönnuna og steikið aðeins áfram.
Skref3
- Hellið tómötum og tómatpaste á pönnuna ásamt grænmetiskrafti.
- Látið malla í fimm mínutur og smakkið til með salti og pipar.
Skref4
- Hitið grill í ofni við háan hita.
- Setjið pastað saman við sósuna og blandið saman.
- Setjið litlar doppur af Mascarpone osti með teskeið ofan á pastað ásamt Mozzarella í litlum bitum og toppið með rifnum parmesan.
Skref5
- Setjið í eldfast mót ef pannan þolir ekki ofn.
- Bakið undir grilli við háan hita þar til osturinn er gullinbrúnn.
Höfundur: Helena Gunnarsdóttir