Skref1
- Hitið ofn í 180 gráður á blæstri.
- Þeytið eggjahvítur þar til þær eru stífar.
- Hrærið áfram á miklum hraða og setjið eina og eina skeið af sykrinum í einu út í hvíturnar.
- Hrærið þar til blandan er stíf og gljáandi.
- Blandið rice crispies varlega saman við.
Skref2
- Smyrjið plötu eða form með lágum brúnum með örlítilli olíu. Formið þarf að ná 23x33 cm.
- Leggið bökunarpappír í formið svo hann haldist kyrr.
- Smyrjið blönduna jafnt á pappírinn og stráið möndluflögum yfir.
- Bakið í 12 mínútur við 180° eða þar til marengsinn er gylltur á toppunum.
- Lækkið þá hitann í 140° og bakið áfram í 20 mínútur.
Skref3
- Takið marengsinn úr ofninum og leggið bökunarpappír yfir hann (ekki verra að setja aðra plötu eða bretti þar ofan á) og hvolfið honum á pappírinn þannig að hann sé öfugur.
- Takið bökunarpappírinn sem hann bakaðist á varlega af.
- Látið kólna.
Skref4
- Þeytið rjómann og geymið.
- Þeytið mascarpone og flórsykur saman þar til mjúkt.
- Blandið lemon curd saman við, hrærið þar til jafnt.
- Þá fer þeytti rjóminn út í og allt hrært rólega saman.
Skref5
- Smyrjið blönduna varlega á marengsinn og vel jafnt yfir allt.
- Rúllið upp marengsinum. Athugið að gott er að rúlla bökunarpappírnum sem marengsinn er á með til að byrja með til að ná fyrsta snúningnum aðeins þéttari.
- Kælið rúlluna áður en hún er borin fram svo kremið taki sig aðeins og það sé betra og fallegra að skera hana.
- Skreytið að vild.
Höfundur: Halla Bára Gestsdóttir
