Marengskrans með súkkulaðirjóma

Skref1

• Hitið ofninn í 110°C og teiknið um 20 cm hring á bökunarpappír.
• Pískið eggjahvítur, kartöflumjöl og hvítvínsedik saman í hrærivélinni þar til blandan fer aðeins að freyða.
• Bætið sykrinum þá saman við í nokkrum skömmtum og þeytið þar til allur sykur er uppleystur.
• Bætið vanilludropunum saman við í lokin og hrærið áfram stutta stund.

Skref2

• Setjið blönduna í sprautupoka með stórum stjörnustút og sprautið 8 marengshreiður eftir hringnum sem þið teiknuðuð. Gott að sprauta botninn fyrst og síðan upp kantinn til að búa til rými fyrir súkkulaðirjómann í miðjunni.
• Ef það er afgangur af marengsblöndu þá má sprauta stök hreiður eða marengstoppa úr afganginum.
• Bakið í 2 klukkustundir og slökkvið á ofninum, leyfið marengskransinum að kólna niður með honum.

Skref3

• Næst er það súkkulaðirjóminn.
• Þeytið saman eggjarauður og flórsykur þar til blandan verður ljós og þykk.
• Blandið þá bræddu súkkulaði saman við með sleikju.
• Súkkulaðiblandan má að lokum blandast saman við þeytta rjómann með sleikju.

Skref4

• Fyllið marengshreiðrin með súkkulaðirjómanum.
• Það er allt í lagi þó rjóminn fari vel upp fyrir holuna.
• Skreytið með litlum súkkulaði páskaeggjum eða öðru páskalegu.

Höfundur: Berglind Hreiðarsdóttir