Lúxus fylltar sætar kartöflur
Virkilega vinsæll réttur sem skemmtilegt er að matreiða. Gott að bera kartöflurnar fram með fersku salati og/eða góðu brauði.
Innihald
2 skammtar
stór kjúklingabringa
stór sæt kartafla
nýrnabaunir
rauðlaukur
kókosmjólk, lítil dós
fetakubbur frá Gott í matinn
döðlur
rifinn gratínostur frá Gott í matinn
cayenne pipar og annað krydd eftir smekk
| stór kjúklingabringa | |
| stór sæt kartafla | |
| nýrnabaunir | |
| rauðlaukur | |
| kókosmjólk, lítil dós | |
| fetakubbur frá Gott í matinn | |
| döðlur | |
| rifinn gratínostur frá Gott í matinn | |
| cayenne pipar og annað krydd eftir smekk |
Skref1
- Kartaflan er skorin í tvennt eftir endilöngu, pensluð með olíu og sett inn í ofn (hýðið upp) á 200° í klukkutíma eða þar til hún er orðin alveg mjúk í gegn.
Skref2
- Þegar kartöflurnar hafa verið inni í um 40 mínútur er fínt að byrja að útbúa fyllinguna. Döðlurnar, laukurinn og nýrnabaunirnar eru skornar í litla bita.
Skref3
- Kjúklingurinn er einnig skorinn í mjög litla bita og steiktur á pönnu upp úr olíu og kryddi.
Skref4
- Þegar kjúklingurinn er orðinn eldaður í gegn er kókosmjólkinni, fetaostinum, döðlunum, lauknum og nýrnabaunum bætt út í og látið malla í 5-10 mínútur.
Skref5
- Þegar kartaflan er tilbúin er skafið innan úr henni, t.d. er hægt að nota ísskeið. Það þarf að passa að skilja smá kartöflu eftir í köntunum svo það sé auðveldara að fylla hana. Það sem tekið er úr kartöflunni er blandað saman við fyllinguna á pönnunni og loks er öllu skóflað aftur upp í bátinn.
Skref6
- Ostinum er stráð ofan á og kartöflurnar settar inn í ofn í 10 mínútur eða þar til osturinn er alveg bráðnaður.
Höfundur: Gígja S. Guðjónsdóttir