Ljúffeng smjördeigsbaka með tómötum, mozzarella og basil pestó
Þessi ótrúlega einfalda baka er fullkomin sem létt máltíð eða forréttur þegar góða gesti bera að garði. Það tekur enga stund að útbúa hana og er svo dásamlega falleg á borði. Innblásturinn fyrir bökuna kemur frá ítalska sígilda forréttinum caprese salati þar sem ferskum mozzarella, tómatsneiðum og ferskri basiliku er raðað saman og mynda þannig ítölsku fánalitina.
Innihald
1 skammtar
tilbúið smjördeig
egg
basil pestó
ferskar mozzarella kúlur
•
Goðdala Feykir
furuhnetaðar, ristaðar
•
sjávarsalt í flögum
•
fersk basilíka
| tilbúið smjördeig | |
| egg | |
| basil pestó | |
| ferskar mozzarella kúlur | |
| • | Goðdala Feykir |
| furuhnetaðar, ristaðar | |
| • | sjávarsalt í flögum |
| • | fersk basilíka |
Skref1
- Byrjið á því að hita ofninn í 200°C blástur.
- Skerið tómatana í sneiðar og leggið á eldhúsbréf.
- Stráið salti yfir sneiðarnar og leggið annað eldhúsbréf yfir. Gott er að setja trébretti eða eitthvað með smá þyngd ofan á. Þetta er gert til að þerra umfram vökva úr tómötunum. Látið tómatana vera svona í um það bil 15 mínútur.
- Gerið það sama við mozzarellaostinn.
- Skerið hann í sneiðar og leggið á eldhúsbréf, sleppið því þó að strá salti yfir. Setjið annað bréf yfir og þerrið ostinn vel.
Skref2
- Rúllið smjördeiginu út á bökunarplötu.
- Setjið furuhnetur á þurra pönnu og ristið þar til þær eru orðnar vel gylltar.
- Brjótið eggið í skál og sláið vel saman með gaffli. Penslið 1 cm breiðan kant af egginu á útflatt deigið.
- Smyrjið pestóinu yfir deigið og raspið vel af Feyki osti yfir pestóið. Skerið svo nokkrar sneiðar af ostinum og setjið til hliðar.
- Raðið tómötunum og mozzarellasneiðunum eftir smekk, ég var með ca. 2 sneiðar af tómötum á móti einni mozzarella sneið.
Skref3
- Bakið í ofninum í 30 mín eða þar til osturinn og kantarnir eru orðnir fallega gylltir.
- Takið bökuna út og raðið sneiðum af Feyki ofan á, einnig er gott að raspa ostinn yfir að auki.
- Raðið ferskum basilikublöðum yfir og stráið furuhnetum og sjávarsaltflögum yfir. Berið strax fram.
Höfundur: Valgerður Gréta Gröndal