Litlar ostakökur með hvítu súkkulaði
Þessar litlu ostakökur eru sannkölluð sumarveisla – silkimjúkar, ferskar og fallegar! Nýi rjómaosturinn með hvítu súkkulaði frá MS fær að njóta sín til fulls í þessari einföldu en ljúffengu uppskrift þar sem hann blandast þeyttum rjóma og bræddu súkkulaði í léttri fyllingu. Fersk berin setja svo punktinn yfir i-ið en hægt er að undirbúa ostakökurnar með fyrirvara og skreyta með berjum rétt áður en þær eru bornar fram.
Innihald
1 skammtar
heilhveitikex
brætt smjör
flórsykur
rjómi frá Gott í matinn
vanilludropar
rjómaostur með hvítu súkkulaði frá MS
hvítt súkkulaði, brætt
•
fersk ber; jarðarber, brómber, bláber og hindber
| heilhveitikex | |
| brætt smjör | |
| flórsykur | |
| rjómi frá Gott í matinn | |
| vanilludropar | |
| rjómaostur með hvítu súkkulaði frá MS | |
| hvítt súkkulaði, brætt | |
| • | fersk ber; jarðarber, brómber, bláber og hindber |
Skref1
- Setjið kexið í poka og rúllið yfir það með kökukefli. Einnig er hægt að vinna það í matvinnsluvél en fyrir þessar kökur er gott ef kexmylsnan er ekki of smátt mulin.
- Hellið mylsnunni í skál og blandið bræddu smjörinu saman við.
Skref2
- Setjið rjóma, flórsykur og vanillu í skál og stífþeytið. Bætið rjómaostinum saman við og þeytið þar til allt hefur blandast vel saman.
- Bræðið hvíta súkkulaðið, leyfið mesta hitanum að rjúka úr því.
- Setjið þá 1-2 msk. af ostakökublöndunni saman við súkkulaðið til að tempra það. Bætið svo þeirri blöndu aftur út í ostakökublönduna og blandið varlega með sleikju.
Skref3
- Takið fram lítil glös, það skiptir ekki öllu máli af hvaða stærð þau eru, því minni glös þeim mun fleiri ostakökur.
- Setjið fyrst mylsnu í botninn og því næst ostakökublöndu. Endurtakið en setjið þykkara lag af ostakökublöndunni efst.
- Skreytið með ferskum berjum.
- Hægt er að gera ostakökurnar með góðum fyrirvara og geyma í kæli. Skreytið þá með berjum rétt áður en þær eru bornar fram.
Höfundur: Valgerður Gréta Gröndal