Menu
Litlar bollakökur með jólasveinahúfum

Litlar bollakökur með jólasveinahúfum

Því að baka smákökur þegar hægt er að baka smákökubollakökur? Það er alltaf gaman að leika sér með nýjungar og hér eru hefðbundnar súkkulaðibitakökur settar í lítil bollakökuform og bakaðar þannig. Síðan toppaðar með þeyttum vanillurjóma og jarðarberjum svo úr verða hinar fínustu jólasveinahúfur. Algjör dásemd og skemmtileg útfærsla fyrir jólin.

Innihald

1 skammtar

Kökur

smjör við stofuhita (+til að smyrja með)
sykur
púðursykur
egg
vanilludropar
hveiti
matarsódi
salt
súkkulaðidropar

Jólasveinahúfur

jarðarber (35-40 stk.)
rjómi frá Gott í matinn
vanillusykur
flórsykur

Skref1

  • Þeytið saman smjör og báðar tegundir af sykri þar til létt og ljóst.
  • Blandið þá eggjum og vanilludropum saman við, þeytið áfram og skafið niður á milli.
  • Hrærið þurrefnunum saman í skál og blandið saman við smjörblönduna í nokkrum skömmtum, skafið niður á milli.
  • Vefjið að lokum súkkulaðidropunum saman við deigið, plastið það næst og kælið í að minnsta kosti klukkustund (líka í lagi að kæla yfir nótt).

Skref2

  • Hitið ofninn í 175°C og smyrjið lítil ál-bollakökuform vel að innan með smjöri (líka upp fyrir kantana).
  • Setjið um eina matskeið af deigi í hvert form og bakið í 10-13 mínútur eða þar til kökurnar fara aðeins að gyllast á köntunum.
  • Einföld uppskrift dugar í um 35-40 lítil form.
  • Kælið stutta stund og takið næst úr formunum og leyfið að kólna alveg.
  • Best er að snúa upp á kökurnar til að ná þeim úr eða nota lítinn beittan hníf.

Skref3

  • Næst á dagskrá er að búa til jólasveinahúfurnar.
  • Skerið aðeins ofan af jarðarberjunum og geymið þau á meðan þið þeytið rjómann.
  • Setjið rjóma, vanillusykur og flórsykur saman í skál og þeytið þar til stífþeytt.
  • Setjið rjómann í sprautupoka og sprautið ofan á hverja köku, leggið næst jarðarber ofan á rjómann og sprautið síðan litlum rjómadúsk á endann á jarðarberinu.
  • Geymið í kæli þar til bera á kökurnar fram.
Skref 3

Höfundur: Berglind Hreiðarsdóttir