Lakkrís og hindberja bolla

Vatnsdeigsbollur

• Byrjið á að útbúa vatnsdeigsbollurnar.
• Hitið mjólkina, vatnið, smjörið og sykurinn upp að suðu.
• Bætið hveitinu saman við og hrærið stanslaust þar til filma myndast á botninum á pottinum og deigkúla fer að myndast úr deiginu. Mikilvægt er að nota brauðhveiti svo bollurnar falli ekki og haldi formi. Deigið á að losna vel frá hliðum pottsins þegar það er tilbúið.
• Færið deigið í hrærivélaskál og hrærið þar til deigið er orðið volgt og þið getið snert það án þess að finna hita.
• Hrærið saman eggin og saltið til að brjóta upp eggin og blanda þeim vel saman við saltið.
• Bætið eggjunum saman við í nokkrum skömmtum og hrærið vel inn á milli. Hrærið þar til deigið er ekki lengur stíft en heldur þó enn þá formi. Þegar það lekur af sleifinni í einskonar V formi þá er það tilbúið.
• Sprautið deiginu á pappírsklædda plötu með góðu millibili.
• Stillið ofninn á 220°C.
• Þegar ofninn er tilbúin eru bollurnar settar inn í ofninn og hitinn lækkaður í 190°C í 15 mínútur.
• Eftir 15 mínútur er hitinn lækkaður í 170°C og bollurnar bakaðar áfram í 15-20 mínútur eða þar til þær eru gullinbrúnar og búnar að mynda góða skorpu að utan.

Hindberja compote

• Setjið hindber, sykur, safann úr einni sítrónu og vatn saman í pott og hitið upp að suðu.
• Leyfið blöndunni að sjóða í nokkrar mínútur þar til blandan fer að þykkjast.
• Takið af hitanum og sigtið blönduna til að aðskilja fræin.
• Setjið í ílát og geymið.
• Hægt að útbúa fyrir fram en blandan geymist í allt að 2 vikur.

Lakkrískaramella

• Hitið sykurinn á vægum hita þar til hann verður gullinbrúnn. Hrærið stanslaust í sykrinum á meðan þið eruð að hita hann.
• Bætið næst smjörinu saman við.
• Næst fer rjóminn út á og hrært vel og fallega saman.
• Leyfið karamellunni að sjóða í 2-3 mínútur.
• Takið af hellunni og bætið lakkrísduftinu saman við.

Súkkulaðirjómi

• Hitið rjómann upp að suðu.
• Hellið rjómanum yfir súkkulaðið og hrærið saman.
• Setjið í kæli og leyfið blöndunni að kólna vel.
• Þeytið eins og þeyttan rjóma.

Samsetning

• Skerið bollurnar í tvennt.
• Setjið lakkrískaramellu í botninn.
• Setjið næst hindberja compote á bolluna.
• Að lokum er súkkulaðirjómanum sprautað á bolluna.
• Setjið lokið á bolluna og njótið!

Höfundur: Elenora Rós Georgesdóttir