Kjúklingur í sítrónu rjómasósu með heimagerðri kartöflumús

Skref1

• Byrjið á því að sjóða kartöflurnar. Gott er að taka hýðið af þeim áður en þær eru soðnar til að flýta fyrir. Á meðan kartöflurnar sjóða þá eldi þið kjúklinginn.
• Byrjið á því að skera hverja bringu langsum í tvennt.
• Kryddið þær með salti, pipar og papriku kryddi. Setjið hveiti á disk eða smjörpappír og veltið kjúklingnum vel upp úr hveitinu á hvora hlið fyrir sig.
• Setjið ólífuolíu og smjör á pönnu og bræðið undir meðalhita.
• Steikið kjúklinginn á pönnunni þar til hann er steiktur í gegn, um 3-4 mín. á hvorri hlið fyrir sig. Þegar kjúklingurinn er orðinn fulleldaður takið bringurnar af pönnunni og geymið á meðan þið undirbúið sósuna.

Skref2

• Setjið helminginn af vatninu á pönnuna og skafið aðeins úr botninum til að fá betra bragð í sósuna.
• Setjið smjör saman við ásamt söxuðum hvítlauk og brúnið laukinn örlítið. Hellið restinni af vatninu saman við ásamt kjúklingakrafti.
• Setjið rjómann saman við ásamt rifnum Feyki osti.
• Rífið börkinn af hálfri sítrónu og setjið saman við ásamt safa úr hálfri sítrónu. Hrærið allt vel saman og leyfið ostinum að bráðna og öllu að blandast vel saman.
• Bætið Dijon sinnepi saman við ásamt salti og pipar eftir smekk.
• Bætið kjúklingabringunum saman við og látið malla þar til kartöflumúsin er tilbúin.

Skref3

• Þegar kartöflurnar eru fullsoðnar, hellið vatninu af þeim.
• Stappið kartöflurnar í pottinum eða notið töfrasprota eftir því hversu grófa eða fína þið viljið hafa músina.
• Setjið smjör, rjóma og salt saman við og hrærið þar til allt hefur blandast vel saman.
• Berið kjúklinginn fram með kartöflumús og t.d. aspas steiktum upp úr smjöri og salti.

Höfundur: Thelma Þorbergsdóttir