Kjúklingur í hvítvíns rjómasósu

Skref1

• Kljúfið kjúklingabringurnar eftir endilöngu þannig að þið fáið tvo fremur þunna bita úr hverri bringu.
• Kryddið með salti og pipar.

Skref2

• Bræðið smjör á pönnu og brúnið kjúklingabringurnar vel á báðum hliðum.
• Takið af pönnunni og geymið á diski til hliðar.

Skref3

• Setjið sveppina á pönnuna og steikið í stutta stund.
• Bætið þá blaðlauknum saman við og steikið aðeins.
• Hækkið hitann og hellið hvítvíninu á pönnuna, leyfið því að sjóða aðeins niður í 1-2 mínútur.
• Hellið þá rjómanum á pönnuna ásamt kraftinum og hleypið aftur upp suðunni.

Skref4

• Setjið spínatið út í sósuna og leggið kjúklingabringurnar ofan á.
• Ausið sósunni aðeins yfir bringurnar og leyfið þessu að malla saman þar til kjúklingurinn er eldaður í gegn og sósan hefur aðeins þykknað eða í 5-10 mínútur.
• Gætið þess að ofelda ekki bringurnar.
• Smakkið til með salti og pipar.

Höfundur: Helena Gunnarsdóttir