Menu
Kjúklingasalat með pestó og mozzarellakúlum

Kjúklingasalat með pestó og mozzarellakúlum

Hér er á ferðinni einstaklega sumarlegt og bragðgott kjúklingasalat með léttri pestódressingu. Það er auðvitað alltaf ljúffengt að gera heimalagað pestó en í þessari uppskrift má alveg spara sér sporin og kaupa tilbúið. Mozzarellakúlurnar passa ótrulega vel með bragðmikilli dressingunni og grilluðum kjúkling.

Innihald

4 skammtar
úrbeinuð kjúklingalæri/bringur

Dressing

ólífuolía
grænt pestó
safi úr hálfri sítrónu
hvítlauksrif, hökkuð smátt
salt og pipar

Salat

romain salathöfuð eða annað salat eftir smekk
kirsuberjatómatar, skornir í tvennt
avocado, skorin í sneiðar
lítill rauðlaukur, þunnt skorinn
mozzarellakúlur (180 g)
rifinn parmesan eða Feykir eftir smekk

Skref1

  • Hrærið saman öllu í dressinguna og smakkið til með salti og pipar. Ef ykkur finnst dressingin of þykk má bæta við örlitlu vatni.
  • Hellið helmingnum af dressingunni yfir kjúklinginn og leyfið honum að marinerast í 30 mínútur eða lengur.
  • Geymið restina af dressingunni inni í ísskáp.

Skref2

  • Grillið kjúklinginn þar til eldaður í gegn. Að sjálfsögðu má steikja kjúkling á pönnu eða elda í ofni sé grillið ekki nálægt.
  • Takið inn og leyfið mesta hitanum að rjúka úr á meðan þið setjið salatið saman.

Skref3

  • Setjið salatið neðst á stórt fat og raðið grænmetinu fallega ofan á, endið á að skera kjúklinginn í þunnar sneiðar og raða yfir ásamt mozzarellakúlum.
  • Toppið með pestódressingu og smá rifnum parmesan eða Feyki.

Höfundur: Helena Gunnarsdóttir