Kjúklingasalat með ostasósu og grilluðum maís
Þetta salat er sett saman með hráefni í huga sem mér þykir fara vel og vera góð þegar þau mynda hinn fullkomna bita. Þarna kemur ceasar-salat upp í hugann, líka djúpsteiktir kjúklingavængir og gráðaostasósa og þessi stökki og sæti grillaði maís sem á í raun svo vel við margt.
Það má bæði grilla kjúklinginn í ofni eða djúpsteikja hann. En ég djúpsteikti hann að þessu sinni og það vakti mikla lukku! Skora á ykkur að prófa þetta salat.
Innihald
4 skammtar
Grillaður maís:
repjuolía
maísstönglar, mega vera fleiri
smá tabascosósa, ef vilji er til
Salat:
romain salathaus
avocado
Goðdala ostur að eigin vali
Ostasósa:
sýrður rjómi 18% frá Gott í matinn
majónes
ólífuolía
rjómi frá Gott í matinn
hvítvínsedik
dijon sinnep
rjómaostur með graslauk og lauk
gráðaostur
rifinn cheddarostur
provence-krydd frá Pottagöldrum, eða annað blandað jurtakrydd
Kjúklingur:
kjúklingabringur, skornar í jafna strimla
egg, hrært
salt, pipar og paprikukrydd
panko rasp eða annað brauðrasp
| repjuolía | |
| maísstönglar, mega vera fleiri | |
| smá tabascosósa, ef vilji er til |
| romain salathaus | |
| avocado | |
| Goðdala ostur að eigin vali |
| sýrður rjómi 18% frá Gott í matinn | |
| majónes | |
| ólífuolía | |
| rjómi frá Gott í matinn | |
| hvítvínsedik | |
| dijon sinnep | |
| rjómaostur með graslauk og lauk | |
| gráðaostur | |
| rifinn cheddarostur | |
| provence-krydd frá Pottagöldrum, eða annað blandað jurtakrydd |
| kjúklingabringur, skornar í jafna strimla | |
| egg, hrært | |
| salt, pipar og paprikukrydd | |
| panko rasp eða annað brauðrasp |
Grillaður maís
- Olían er sett á pönnu og hituð.
- Hér má skera fersk maískornin strax af stönglunum áður en þau fara á pönnuna eða steikja fyrst og skafa svo.
- Maískornin eru látin brúnast aðeins á pönnunni og fá á sig grilltóna.
- Tabasco dreypt yfir ef vilji er til að fá smá bit í kornin.
Salat
- Rífið salatið gróft niður og setjið í stóra skál.
- Skerið avokadó niður í sneiðar en ekki setja saman við salatið. Það fer yfir í lokin.
Ostasósa
- Allt hráefnið er sett í matvinnsluvél og hrært vel saman þar til sósan er lungamjúk. Það er líka hægt að hræra og blanda með töfrasprota og svo bara í höndunum!
- Má þynna með meiri rjóma ef þarf.
- Hrærið sósuna saman við salatblöðin í skálinni. Það þarf líklega ekki alla sósuna saman við, gott að geyma og dreypa yfir salatið þegar allt er komið saman.
Kjúklingur
- Setjið kjúklinginn, kryddin og eggið í matvinnslupoka og hristið saman.
- Bætið raspinu saman við og nuddið allt vel saman svo raspið festist á kjúklingnum.
- Hér má bæði djúpsteikja kjúklinginn í repju- eða sólblómaolíu þar til hann er gullinn og eldaður í gegn. Eða setja hann í 200 gráðu heitan ofn í 12-15 mínútur.
Samsetning
- Salatinu er raðað saman. Hægt að raða á eitt stórt fat eða gera diska fyrir hvern og einn.
- Salat á disk, avokadó ef vill. Maískorn yfir. Kjúklingur. Ostaflögur. Meiri sósu dreypt yfir. Borið fram.
Höfundur: Halla Bára Gestsdóttir