Kjúklingasalat með Kríu ostakurli

Skref1

• Steikið kjúklingabringurnar upp úr ólífuolíu stutta stund á hvorri hlið, kryddið vel með kjúklingakryddi og færið yfir í eldfast mót.
• Eldið í ofni við 180°C í 20 mínútur og leyfið þeim síðan að hvíla í að minnsta kosti 15 mínútur áður en þið skerið þær niður.

Skref2

• Skerið salat, avókadó og kirsuberjatómata niður, blandið létt saman í skál og setjið Dala salatost og olíu úr krukkunni yfir eftir smekk.
• Saxið beikonið næst niður og dreifið yfir salatið.
• Leggið kjúklinginn ofan á og rífið Gretti yfir.

Skref3

• Skerið eggið niður og setjið ofan á salatið.
• Toppið loks með Kríu cheddarostakurli.
• Verði ykkur að góðu.

Höfundur: Berglind Hreiðarsdóttir