Kjúklingaréttur með rjómapestó
Rjómapestó kjúklingaréttur sem er bæði fljótlegur og dásamlega góður. Það tekur um 10 mínútur að undirbúa réttinn og svo bakast hann í ofni í 40 mínútur í það heila og á meðan getur þú gluggað í bók eða dansað í eldhúsinu.
Innihald
1 skammtar
stórar kjúklingabringur
stórar kartöflur
brokkolí og blómkál eftir smekk
döðlur, meira eða minna eftir smekk
pestó
matreiðslurjómi frá Gott í matinn
gratínostur frá Gott í matinn
olía
salt og pipar
Meðlæti:
hvítlauksbrauð
| stórar kjúklingabringur | |
| stórar kartöflur | |
| brokkolí og blómkál eftir smekk | |
| döðlur, meira eða minna eftir smekk | |
| pestó | |
| matreiðslurjómi frá Gott í matinn | |
| gratínostur frá Gott í matinn | |
| olía | |
| salt og pipar |
| hvítlauksbrauð |
Skref1
- Ofninn hitaður í 180°C, undir og yfir hita
- Eldfasta formið er smurt með olíu og þunnt skornum kartöflum raðað í mótið, upp kantana og þær penslaðar með olíu, salti og pipar.
- Ofan á þær fer brokkolíið, blómkálið, döðlurnar og kjúklingurinn - allt skorið í litla bita
- Í skál er matreiðslurjómanum, pestóinu og helmingnum af gratín ostinum blandað saman og hellt yfir kjúklinginn
- Rétturinn er settur inn í ofn í 20 mínútur og þá er restin af ostinum bætt ofan á (tilvalið að skella hvítlauksbrauði inn í ofninn í leiðinni) og svo er rétturinn settur aftur inn í 20 mínútur, sem sagt 40 mín í heildina.
Höfundur: Gígja S. Guðjónsdóttir