Kjúklingapasta með pestó og ostakubbi
Þessi pastaréttur lætur mig fá vatn í munninn ef ég hugsa um hann. Rétturinn er rosalega ferskur og góður og hægt er að bera hann fram bæði kaldan og heitan.
Innihald
4 skammtar
kjúklingabringur
pasta, 3-4 bollar
ferskur aspas
grænt pestó
sítrónusafi
Ostakubbur frá Gott í matinn
furuhnetur
fersk basilíka (má sleppa)
ólífuolía
salt og pipar
| kjúklingabringur | |
| pasta, 3-4 bollar | |
| ferskur aspas | |
| grænt pestó | |
| sítrónusafi | |
| Ostakubbur frá Gott í matinn | |
| furuhnetur | |
| fersk basilíka (má sleppa) | |
| ólífuolía | |
| salt og pipar |
Skref1
- Kjúklingurinn er eldaður með salti og pipar. Ég grillaði kjúklinginn á mínútugrilli til að fá smá grillbragð. Einnig er hægt að elda hann í ofni við 200°C á blæstri í 25-30 mínútur eða þar til kjúklingurinn er tilbúinn.
Skref2
- Aspasnum er velt upp úr olíu, salti og pipar og settur í ofninn á 200°C blástur í um 15-20 mínútur eða þar til hann hefur fengið góðan lit.
- Á meðan er pastað sett í pott og eldað eftir leiðbeiningum pokans, þið getið notað það pasta sem ykkur finnst best.
Skref3
- Furuhneturnar eru ristaðar í smá stund á pönnu við háan hita, best að fylgjast vel með þeim svo þær brenni ekki.
- Þegar pastað, kjúklingurinn og aspasinn er tilbúið þá er kjúklingurinn skorinn niður og þessu þrennu blandað saman í skál.
- Í skálina fer næst pestó og sítrónusafi og hrært vel saman og fært yfir í það form sem þið ætlið að bera réttinn fram í.
- Rétturinn er borinn fram með muldum ostakubbi, furuhnetum og ferskri basilíku.
Höfundur: Gígja S. Guðjónsdóttir