Kjúklingapasta með krydduðum rjómaostum

Skref1

• Sjóðið pastað eftir leiðbeiningum á umbúðum, setjið smá sjávarsalt í vatnið.
• Setjið smá olíu, salt og pipar á kjúklinginn.
• Grillið eða steikið kjúklingalundirnar þar til hann er fulleldaður.

Skref2

• Setjið smjör á pönnu, skerið hvítlaukinn smátt niður og steikið í stutta stund.
• Bætið báðum rjómaostunum saman við, ½ öskju af hvorum ásamt rjóma og hrærið þar til allt hefur blandast vel saman.
• Skerið sólþurrkuðu tómatana smátt niður og blandið saman við rjómaostasósuna.

Skref3

• Þegar pastað er full soðið, setjið það saman við sósuna og hrærið vel.
• Setjið örlítið soð af pastanu saman við, eða eins og þið þurfið svo að sósan þeki vel allt pastað og saltið eftir smekk.
• Hér má einnig bæta við rjómaostum eftir smekk, þar til sósan verður eins og þú vilt hafa hana.
• Berið fram með grilluðum eða steiktum kjúklingalundum, ferskri basilíku og góðum osti.
• Einnig er gott að bera fram með heitu brauði eða hvítlauksbrauði.

Höfundur: Thelma Þorbergsdóttir