Kjúklingabringur með mangó-avókadó salsa og burrata

Balsamik marineraðar kjúklingabringur - aðferð

• Byrjið á því að berja kjúklingabringurnar með kjöthamri þar til þær fletjast út í um 1 cm þykkar sneiðar.
• Hrærið öllum öðrum hráefnum saman í skál og blandið vel af marineringu á allar bringurnar.
• Leyfið að marinerast í að minnsta kosti 1 klukkutíma eða yfir nótt.
• Hitið ofninn í 200°C og grillstillingu.
• Leggið bringurnar á grind (hafið skúffu undir) og eldið í um 15 mínútur, leyfið að hvíla í nokkrar mínútur áður en þið skerið niður.
• Einnig má grilla bringurnar á hefðbundnu grilli ef þið kjósið heldur.

Mangó-avókadó salsa - aðferð

• Skerið bæði mangó og avókadó niður í litla teninga.
• Blandið restinni af hráefnunum saman við ávextina í skál.
• Best er að nota sleikju og blanda varlega saman.

Samsetning

• Skerið baguette niður í sneiðar, setjið smá ólífuolíu og salt á sneiðarnar og grillið með kjúklingabringunum þegar um 3 mínútur eru eftir af eldunartímanum.
• Toppið hverja bringu með vel af mangó-avókadó salsa, burrata kúlu og balsamik gljáa. Notið restina af salsanu með ristuðu baguette brauðinu.

Höfundur: Berglind Hreiðarsdóttir