Menu
Kjötlokur með cheddar osti

Kjötlokur með cheddar osti

Níu ára sonur minn sagði að þetta væri einn besti matur sem ég hef eldað á árinu. Hér er semsagt á ferðinni mjög krakkavænn matur sem tekur enga stund að útbúa. Rétturinn er ljúffengur notalegheitamatur og cheddar osturinn einstaklega góður með bragðmiklu hakkinu.

Innihald

4 skammtar
nautahakk
mexíkókrydd að eigin vali
laukur
rauð paprika
salsasósa
bbq sósa
rifinn cheddar ostur frá Gott í matinn
hamborgarabrauð

Aðferð

  • Hitið ofn í 180 gráður
  • Steikið hakkið á pönnu og kryddið eftir smekk með kryddi eða kryddblöndu.
  • Saxið lauk og papriku smátt og bætið út á pönnuna og steikið aðeins áfram.
  • Bætið salsasósu og bbq sósu á pönnu og látið malla aðeins.
  • Setjið helminginn af cheddar ostinum út í hakkið og látið bráðna saman við og smakkið til með kryddi.
  • Setjið hamborgarabrauðin upp á rönd í eldfast mót og fyllið með hakkblöndunni.
  • Toppið með rifnum cheddar osti og bakið í 10 mínútur eða þangað til osturinn er gullinbrúnn.
Aðferð

Höfundur: Helena Gunnarsdóttir