Kínóaskál með ristuðum kjúklingabaunum og ostakubbi

Skref1

• Byrjið á að sjóða kínóað.
• Mér finnst gott að skola kínóað í fínu sigti undir köldu vatni áður en ég sýð það, það minnkar aðeins biturt bragðið sem getur verið af því.
• Setjið vatnið í pott ásamt kraftinum og hleypið suðunni upp.
• Hellið kínóa út í og hrærið aðeins.
• Lækkið hitann og látið sjóða undir loki við vægan í 15 mínútur.
• Takið þá lokið af og leyfið að sjóða þar til allur vökvinn er horfinn, u.þ.b 10 mínútur.
• Takið þá af hitanum og hrærið í með gaffli.

Skref2

• Á meðan kínóað sýður er upplagt að marinera rauðlaukinn.
• Þá setjið þið þunnt skorinn rauðlauk í skál og hellið yfir hvítvínsediki.
• Látið standa á meðan þið gerið restina af uppskriftinni.

Skref3

• Hitið ofn í 180 gráður með blæstri.
• Setjið kjúklingabaunirnar í sigti og skolið af þeim vökvann.
• Þerrið vel og setjið á bökunarplötu.
• Kryddið með paprikukryddi, oregano, salti og pipar.
• Bakið í 30 mínútur eða þar til baunirnar eru vel bakaðar og aðeins stökkar.

Skref4

• Gerið jógúrtsósuna.
• Pískið saman öllum hráefnunum og smakkið til með salti, pipar og hunangi.

Skref5

• Skerið grænmetið í litla teninga og myljið niður ostakubbinn.
• Raðið skálinni saman eins og þið viljið hafa hana.
• Toppið með sósunni og njótið!

Höfundur: Helena Gunnarsdóttir