Ketó ostasnakk með ostadýfu

Ostasnakk

• Byrjum á því að blanda saman rifnum mozzarella og möndlumjöli í glerskál.
• Setjið skálina í örbylgjuofn og hitið í um 2 mínútur eða þar til osturinn er allur bráðnaður.
• Fletjið deigið út þar til það er orðið mjög þunnt.
• Skerið því næst deigið í þríhyrninga og raðið á bökunarpappír. Gætið þess að hafa gott bil á milli þríhyrninga.
• Kryddið snakkið með kryddi að eigin vali.
• Bakið við 180 gráður á blæstri þar til snakkið er orðið fallega gyllt og stökkt.
• Það er gott ráð að taka snakkið af plötunni um leið og það kemur úr ofninum og leyfa því að kólna á grind. Ef það liggur á pappírnum á plötunni getur það orðið mjúkt og seigt þegar fitan og rakinn kemst í snakkið.

Ostasósa

• Blandið saman í skál ( eða litlum potti) rifnum Cheddar osti, rjómaosti og rjóma.
• Það er hægt að hita sósuna í 30 sek. í örbylgjuofninum og hræra á milli eða hita í potti á miðlungs hita. Gætið þess að hita sósuna einungis þar til osturinn nær að bráðna, hún má ekki malla.
• Það er hægt að gera hana sterka með chilli kryddi og cumin kryddi.
• Berið sósuna fram volga með snakkinu.
• Ef þið ætlið að hita upp sósuna er mikilvægt að setja hana bara í 10 sek. í einu í örbylgju og fylgjast með. Ef hún hitnar of mikið þá skilur hún sig og verður ekki mjög lystug.

Höfundur: Hanna Þóra Helgadóttir