Kartöflusalat með beikoni og piparosti

Skref1

• Skerið kartöflurnar í sneiðar og setjið í pott með vatni ásamt 1 msk. af salti.
• Sjóðið kartöflurnar í um 7 til 10 mínútur. Kartöflurnar mega alls ekki sjóða of lengi því þá verða þær að mauk þegar þið blandið þeim saman við salatið.
• Þegar kartöflurnar eru tilbúnar er gott að láta kalt vatn renna á þær í örstutta stund.

Skref2

• Á meðan að kartöflurnar sjóða, steikið þið beikonið.
• Ef þið eruð ekki með beikonkurl þá þarf að skera beikonið smátt niður.
• Gott er að steikja beikonið þar til það verður örlítið stökkt.

Skref3

• Setjið egg í pott og sjóðið á meðan kartöflurnar eru í suðu.

Skref4

• Blandið majonesi, sýrðum rjóma, Dijon sinnepi, sykri, sítrónusafa og ½ tsk af salti saman í skál og hrærið.
• Saxið steinselju og vorlauk smátt niður og blandið saman við.
• Skerið pipar kryddostinn smátt niður.

Skref5

• Setjið kartöflurnar í skál ásamt kryddostinum og beikoninu.
• Skerið eggin smátt niður og blandið saman við.
• Hellið majonesblöndunni saman við og hrærið þar til allt hefur blandast vel saman.
• Setjið saxaðan vorlauk ofan á. Geymið inni í ísskáp þar til salatið er borið fram.

Höfundur: Thelma Þorbergsdóttir