Karamellu skyrkaka

Botn

• Setjið kex og hnetur saman í matvinnsluvél og myljið vel niður.
• Bræðið smjörið og bætið út í matvinnsluvélina ásamt flórsykri og hrærið saman í stutta stund.
• Takið 20 cm form og setjið hráefnin í formið.
• Þrýstið því niður og meðfram hliðum, svo kantur myndist.
• Setjið síðan inn í ísskáp meðan fyllingin er útbúin.

Fylling

• Þeytið rjómann í einni skál og skyr, rjómaost og flórsykur í annarri.
• Bætið þá skyrinu saman við rjómann í 2-3 skömmtum og hrærið það rólega saman.
• Takið þá formið út og hellið fyllingunni yfir kex botninn.
• Sléttið úr fyllingunni og setjið í stutta stund inn í ísskáp.

Karamellukrem

• Setjið karamellur og rjóma saman í pott á miðlungshita og leyfið að sjóða þangað til að karamellan leysist upp, u.þ.b. 5 mín. Leyfið að kólna aðeins.
• Karamellunni er svo dreift yfir kökuna.
• Leyfið kökunni að taka sig inn í ísskáp í 2-3 tíma og helst yfir nótt til þess að hún standi vel þegar skorið er í hana

Marengs draugar

• Stillið ofninn á 90°C.
• Byrjið á því að hræra eggjahvíturnar saman og bætið sykrinum rólega saman við.
• Stífþeytið og setjið í sprautupoka með hringlaga stút.
• Sprautið draugana með því að gera eina doppu fyrir búk og tvær minni fyrir hendur.
• Held að myndin sýni best hvernig þeir eru í laginu.

Höfundur: Guðrún Ýr Eðvaldsdóttir