Karamellu poppbolla

Skref1

• Byrjið á að útbúa vatnsdeigsbollurnar.
• Hitið mjólkina, vatnið, smjörið og sykurinn upp að suðu.
• Bætið hveitinu saman við og hrærið stanslaust þar til filma myndast á botninum á pottinum og deigkúla fer að myndast úr deiginu. Mikilvægt er að nota brauðhveiti svo bollurnar falli ekki og haldi formi. Deigið á að losna vel frá hliðum pottsins þegar það er tilbúið.
• Færið deigið í hrærivélaskál og hrærið þar til deigið er orðið volgt og þið getið snert það án þess að finna hita.
• Hrærið saman eggin og saltið til að brjóta upp eggin og blanda þeim vel saman við saltið.
• Bætið eggjunum saman við í nokkrum skömmtum og hrærið vel inn á milli. Hrærið þar til deigið er ekki lengur stíft en heldur þó enn þá formi. Þegar það lekur af sleifinni í einskonar V formi þá er það tilbúið.

Skref2

• Sprautið deiginu á pappírsklædda plötu með góðu millibili.
• Stillið ofninn á 220°C.
• Þegar ofninn er tilbúin eru bollurnar settar inn í ofninn og hitinn lækkaður í 190°C í 15 mínútur.
• Eftir 15 mínútur er hitinn lækkaður í 170°C og bollurnar bakaðar áfram í 15-20 mínútur eða þar til þær eru gullinbrúnar og búnar að mynda góða skorpu að utan.

Skref3

• Búið næst til karamelluna en þá byrjið þið á að brúna sykur í potti. Leyfið honum að bráðna alveg en passið að hann fari ekki að brenna.
• Bætið rjómanum saman við í mjórri bunu og passið að hræra vel á meðan.
• Þegar karamellan hefur þykknað er smjörinu, saltinu og súkkulaðinu bætt saman við og brætt þar til allt er komið vel saman.

Skref4

• Þeytið þar næst rjómann.
• Byrjið á að þeyta saman mascarpone, flórsykur og rjóma. Þeytið þar til blandan er orðin létt í sér og búin að slétta úr sér.
• Bætið rjómanun saman við í mjórri bunu og þeytið þar til þið eruð komin með léttþeyttan rjóma sem heldur sér vel. Varist að ofþeyta því þá gæti rjóminn farið að skilja sig.
• Skerið nú bollurnar til helminga, setjið karamellu í botninn og á toppinn.
• Fyllið bolluna með rjóma og lokið.
• Setjið karamllupopp ofan á lokið á bollunni og njótið!

Höfundur: Elenora Rós Georgesdóttir