Kanilsnúðar

Skref1

• Byrjið á að bræða smjörið.
• Bætið mjólkinni saman við og látið ná 37°C hita eða mátulega volg.
• Blandið saman rúmlega helming af hveitinu, sykri, salti, kardemommukryddi, þurrgeri og vanillusykri í skál. Notið matvinnsluvél, hrærivél eða sleif, en deigið má líka hræra í höndunum.
• Hellið mjólkur- og smjörblöndunni saman við og hrærið. Bætið hveiti saman við eftir þörfum og hrærið áfram. Hnoðið í deig sem er létt, mjúkt og festist ekki við hliðar skálarinnar.
• Látið deigið hefast þar til það er tvöfalt að stærð á hlýjum og notalegum stað.

Skref2

• Kveikið á ofninum og stillið hitann á 220°C.
• Hnoðið deigið aðeins eftir hefingu. Skerið það í nokkra bita eða um fjóra til fimm.
• Notið kökukefli og fletjið hvern bita út í stóran ferhyrning.
• Smyrjið ferhyrninginn með smjöri og stráið kanilsykri yfir hann.
• Rúllið deiginu saman og skerið rúlluna í sneiðar sem eru u.þ.b. 2-3 cm þykkar.

Skref3

• Setjið snúðana á ofnplötu með bökunarpappír eða notið pappírsform.
• Látið snúðana hefast þar til þeir eru tvöfaldir að stærð á hlýjum og notalegum stað.
• Penslið snúðana með eggi sem búið er að slá saman og stráið perlusykri yfir þá.
• Bakið snúðana í 8-12 mínútur eða þar til þeir hafa stækkað verulega og eru orðnir girnilegir og gullinbrúnir á litinn.
• Ilmandi, dásamlegir, bragðgóðir og mjúkir... með glasi af ískaldri mjólk.

Höfundur: Theodóra J. Sigurðardóttir Blöndal