Kanilkökur með pekahnetum og súkkulaði

Skref1

• Hitið ofninn í 180° C og setjið smjörpappír á tvær bökunarplötur.
• Hrærið smjör, púðursykur og sykur vel saman. Skafið hliðarnar á skálinni og bætið eggi saman við ásamt vanilludropum.
• Setjið hveiti, matarsóda, kanil, múskat og salt saman í skál og hrærið. Blandið hveitiblöndunni saman við og hrærið þar til allt hefur blandast vel saman. Blandið höfrum saman við og hrærið léttilega.
• Grófsaxið dökkt súkkulaði og pekanhnetur og blandið saman við ásamt hvíta súkkulaðinu og hrærið varlega þar til allt hefur blandast vel saman.

Skref2

• Setjið u.þ.b. 1 msk. eða 25 g í hverja köku og myndið kúlu. Raðið þeim með góðu millibili á bökunarplöturnar og bakið í 8-10 mínútur.
• Kökurnar eru mjög linar þegar þær koma út úr ofninum en þær jafna sig þegar þær kólna. Kælið kökurnar í 10 mínútur áður en þið setjið toppinn ofan á.

Skref3

• Að lokum er toppurinn fyrir smákökurnar útbúinn.
• Bræðið dökkt súkkulaði yfir vatnsbaði og hrærið stanslaust þar til súkkulaðið hefur náð að bráðna alveg.
• Slettið súkkulaðinu óreglulega yfir hverja kökur fyrir sig og saxið svo pekanhneturnar smátt niður og setjið ofan á hverja köku fyrir sig.

Höfundur: Thelma Þorbergsdóttir