Kanilkaka með rjómaostamiðju

Skref1

• Hitið ofn í 180 gráður.
• Hrærið saman smjör og púðursykur þar til blandan er létt og ljós.
• Hellið vanilludropum saman við, brjótið egg í skálina og setjið sýrðan rjóma saman við.
• Hrærið þar til allt hefur blandast vel.
• Sigtið hveitið í skálina, setjið önnur þurrefni saman við og hellið kaffi út í.
• Hrærið vel en gætið að því að hræra ekki of mikið, þá missir kakan léttleikann og getur orðið of þétt í sér.

Skref2

• Deigið getur bæði farið í hringform sem og brauðform. Uppskriftin fer í tvö hefðbundin brauðform en eitt stórt hringform.
• Smyrjið formið sem valið er með smjöri.
• Hellið helmingi deigsins í formið og sléttið.
• Hrærið saman púðursykri og kanil og stráið kanilsykrinum jafnt yfir deigið.

Skref3

• Mýkið rjómaost í potti eða örbylgjuofni.
• Dreifið ostinum jafnt yfir deigið og kanilsykurinn.
• Hellið afganginum af deiginu yfir ostinn.

Skref4

• Setjið allt hráefnið í toppinn í skál og blandið saman, kreistið, með höndunum.
• Úr á að verða kurl sem stráð er yfir efsta lag kökunnar áður en henni er stungið í ofninn.
• Bakið í um 50 mínútur eða þar til prjónn, sem stungið er í miðju kökunnar, kemur hreinn út.
• Látið kökuna kólna í 30 mínútur og takið úr forminu.

Skref5

• Hrærið saman flórsykur, mjólk og vanilludropa þar til úr verður kekkjalaus og þykk blanda.
• Hellið kaffi saman við til að þynna gljáann. Athugið að magn af kaffi verður að ráðast af smekk og það má þynna gljáann með meiri mjólk eða smá vatni.
• Hellið yfir kökuna.
• Látið gljáann taka sig í 10 mínútur áður en kakan er borin fram og skorin niður.

Höfundur: Halla Bára Gestsdóttir