Kalt pastasalat með kjúkling
Kalt pasta salat með kjúkling, ostakubbi og fersku grænu pestó sem er tilvalið í hádegismat og nesti, sem léttur kvöldmatur eða fyrir saumaklúbbinn. Einfalt og fljótlegt og gott að bera fram með góðu brauði.
Innihald
4 skammtar
pastaskrúfur
•
tilbúinn kjúklingur eða 3 eldaðar bringur
litlir tómatar
ostakubbur
heil fersk basilíka í potti
furuhnetur
góð ólífuolía
rifinn parmesan ostur eða Goðdala Feykir
hvítlauksrif
•
rifinn börkur af einni sítrónu
safi úr sítrónu
•
salt og pipar
| pastaskrúfur | |
| • | tilbúinn kjúklingur eða 3 eldaðar bringur |
| litlir tómatar | |
| ostakubbur | |
| heil fersk basilíka í potti | |
| furuhnetur | |
| góð ólífuolía | |
| rifinn parmesan ostur eða Goðdala Feykir | |
| hvítlauksrif | |
| • | rifinn börkur af einni sítrónu |
| safi úr sítrónu | |
| • | salt og pipar |
Skref1
- Sjóðið pastað eftir leiðbeiningum á pakkningu.
- Eftir að pastað er soðið er gott að láta kalt vatn renna á það svo það kólni.
- Þá er að útbúa ferska pestóið. Setjið ferska basilíku, furuhnetur, ólífuolíu, rifinn parmesanost, hvítlauksrif, börk af sítrónu, sítrónusafa og smá salt og pipar í matvinnsluvél og látið hana vinna þar til allt hefur náð að blandast vel saman og orðið að sósu.
Skref2
- Setjið kalt pasta í skál, setjið fersku pestósósuna yfir og blandið vel saman.
- Skerið ostakubbinn í litla teninga, notið hálfan eða heilan kubb eftir smekk, og setjið saman við pastað ásamt niðurskornum tómötum og kjúkling.
- Saltið og piprið eftir smekk.
- Gott er að setja auka furuhnetur saman við.
Höfundur: Thelma Þorbergsdóttir