Jólaostabakki
Það er skemmtilegt föndur en ákaflega einfalt að gera jólalegan ostabakka. Ég lofa að þessi ofurkrúttlegi bakki mun slá í gegn í hvaða jólaboði sem er. Jólasveininn má gera úr góðum hvítmygluosti á borð við Dala Camembert og litli snjókarlinn er gerður úr bragðbættum rjómaosti og fínrifnum hörðum osti eins og Goðdala Gretti. Svo má raða spægipylsum og skinku allt í kring og skreyta að vild.
Innihald
1 skammtar
Dala Camembert
rjómaostur með graslauk og lauk frá MS
Goðdala Grettir
•
spægipylsa, þunnt skorin
•
hráskinka
•
kex
•
svartar ólífur
•
jarðarber
•
svört piparkorn
•
appelsínugul paprika eða gulrót
•
rósmarín og jólabrjóstsykur til skrauts
| Dala Camembert | |
| rjómaostur með graslauk og lauk frá MS | |
| Goðdala Grettir | |
| • | spægipylsa, þunnt skorin |
| • | hráskinka |
| • | kex |
| • | svartar ólífur |
| • | jarðarber |
| • | svört piparkorn |
| • | appelsínugul paprika eða gulrót |
| • | rósmarín og jólabrjóstsykur til skrauts |
Skref1
- Fyrir sveinka: Skerið "lokið" af Camembert ostinum. Skerið það svo í tvennt svo úr verði skegg og leggið ofan á ostinn.
- Skerið yfirvaraskegg og kantinn á jólasveinahúfunni úr restinni.
- Skerið augu úr ólífum og rautt nef úr jarðarberi.
- Raðið pylsu og skinku upp svo úr verði væn jólasveinahúfa.
- Skerið lítinn dúsk úr camembert osti og setjið á endann.
Skref2
- Fyrir snjókarl: Setjið innihald úr einum rjómaosti á plastfilmu og rúllið upp svo úr verði kúla.
- Gerið það sama við hálfan rjómaost í viðbót svo úr verði minni kúla.
- Rífið smá bita af Goðdala Gretti með fínu rifjárni og veltið snjókarla kúlunum upp úr ostinum.
- Leggið á bretti og skreytið með svörtum piparkornum og skerið nef úr gulrót eða papriku.
Skref3
- Raðið kjöti og kexi ásamt skrauti á bakkann og berið fram.
Höfundur: Helena Gunnarsdóttir