Jólaís með piparkökum og pekanhnetum

Piparkökuís

• Hakkið piparkökur gróflega í matvinnsluvél, bræðið smjör og hrærið saman við piparkökurnar þar til allt hefur blandast vel saman.
• Setjið smjörpappír í hringlaga smelluform, um 20-24 cm að stærð og þrýstið piparkökunum í botninn og upp á hliðar formsins. Gott er að nota botninn af glasi til þess að þrýsta þeim vel niður og upp á kantana. Setjið formið í frysti á meðan þið undirbúið ísinn.
• Þeytið eggjarauður og sykur saman þar til blandan verður ljós og létt.
• Setjið púðursykur saman við og hrærið með sleif þar til hann hefur blandast vel saman við.
• Hrærið rjómaostinn þar til hann verður mjúkur og sléttur. Bætið við vanilludropum og blandið rjómaostinum saman við með sleif.
• Þeytið rjóma þar til hann er alveg að verða stífur og blandið honum saman við með sleif. Hrærið þar til allt hefur blandast vel saman.
• Saxið niður súkkulaði og pekanhnetur og blandið saman við.
• Hellið ísblöndunni yfir piparkökubotninn.
• Hellið Karamellunni saman við ísinn. Takið hníf og snúið honum í hringi þar til karamellan hefur náð að blandast saman við ísinn. Passið ykkur þó á því að setja hnífinn ekki í botninn á ísnum.
• Frystið í að lágmarki 5 klst.

Toppur

• Þeytið rjóma og setjið hann í rjómasprautupoka með þeim stút sem þið kjósið (ég notaði hringlaga stút).
• Einnig er hægt að klippa gat á endann á pokanum og sprauta þannig ofan á ísinn.

Skreyting

• Skreytið ísinn að vild með rjómanum.
• Saxið niður pekanhnetur og dreifið yfir rjómann.
• Skreytið t.d. piparkökur og setjið ofan á rjómann ásamt karamellusósu.
• Karamellusósan má vera íssósa keypt út úr búð, önnur karamellusósa eða heimagerð.

Höfundur: Thelma Þorbergsdóttir