Menu
Jarðarberjaostakaka með pretzel kurli

Jarðarberjaostakaka með pretzel kurli

Þetta er ansi skemmtileg útfærsla á ostaköku. Mjög einföld og má í raun heimfæra á ýmsa vegu og leyfa sköpunargáfunni að njóta sín. Rjómaostur er notaður hér en skyrið mætti sannarlega nota í staðinn. Pretzel er síðan "tvistið" í staðinn fyrir hafrakökurnar.

Innihald

1 skammtar

Pretzel kurl

pretzel kringlur (saltkringlur)
sykur eða púðursykur
brætt smjör

Ostablanda

sykur
rjómaostur til matargerðar frá Gott í matinn
vanilludropar

Berjablanda

jarðarberjasulta
jarðarber

kókosbollur, magn eftir smekk
fersk mynta

Pretzel kurl

  • Hitið ofn í 200 gráður. Myljið pretzel í matvinnsluvél eða í höndunum með því að berja það niður í poka. Ekki mylja það of fínt, leyfið grófari bitum að koma fram.
  • Setjið sykur eða púðursykur saman við ásamt bræddu smjöri. Hrærið og blandið vel saman. Það má gera í matvinnsluvél eða í skál og þá með höndunum með því að kreista allt saman.
  • Dreifið úr blöndunni í ofnskúffu og stingið í heitan ofninn. Bakið í 10-12 mínútur. Takið úr ofninum og látið kólna.

Ostablanda

  • Hrærið allt saman þar til blandan er mjúk og kekkjalaus.
  • *Í staðinn fyrir rjómaost má nota Ísey eða KEA skyr af ýmsum tegundum sem og mascarponeost frá Gott í matinn.

Berjablanda

  • Skerið jarðarber í sneiðar og hrærið saman við jarðarberjasultuna.
  • *Í staðinn fyrir jarðarber má nota önnur ber og sultu úr þeim berjum. Einnig epli og þá eplamauk. Appelsínur og appelsínumarmelaði. Allt sem hugurinn girnist hverju sinni eða til er í ísskápnum.

Samsetning

  • Setjið kurl í botninn, ostablöndu, kókosbollur (sem búið er að brjóta aðeins niður) og þá berjablöndu ofan á.
  • Skreytið með pínu meira kurli og fallegri, ferskri myntu.
  • Kælið aðeins áður en borið fram.
  • Það má setja þessa köku saman að vild. Í eina stóra skál eða fat, einnig fyrir hvern og einn. Kurlið getur sömuleiðis verið undir ostablöndunni eins og botn eða kökunni lagskipt.

Höfundur: Halla Bára Gestsdóttir