Ítalskar kjötbollur

Skref1

• Setjið nautahakkið í stóra skál og kryddið vel. Kreistið safann úr einni sítrónu yfir hakkið. Skerið laukinn og hvítlaukinn frekar smátt og bætið út í skálina. Brjótið Ritz kexið niður í mylsnu og setjið saman við ásamt einum poka af mozzarella osti.

Skref2

• Hnoðið öllu vel saman og mótið litlar bollur. Steikið á miðlungs hita þar til þær eru farnar að brúnast vel. Ítölsku sósunni má hella yfir bollurnar rétt í lokin eða hafa hana til hliðar. Berið fram með nóg af rifnum parmesan osti og góðu salati.

Skref3

• Hakkbollurnar eru ekki síðri daginn eftir. Þá er hægt að sjóða pasta og hafa með þeim. Einnig er lítið mál að frysta þær og taka út þegar hentar.

Höfundur: Tinna Alavis