Hvítlauksbrauð með feta- og jalapeno ídýfum

Skref1

• Mælið um helming af hveitinu og hellið í skál.
• Bætið þurrgeri, salt, sykur (og steinselju ef þið viljið nota hana) saman við hveitið.
• Skerið tómata í helminga og blandið þeim saman við.

Skref2

• Í annarri skál er vatni, ólífuolíu og rjómaosti blandað saman.
• Osturinn verður pínu kekkjóttur en það lagast um leið og þessi blanda fer saman við hveitið.

Skref3

• Hellið vatni – og ostablöndunni saman við hveitið og hrærið .
• Bætið við hveiti eftir þörfum og hnoðið þar til deigið er orðið þétt í sér og þægilegt að koma við og ekkert klístrað.
• Það á að sleppa vel frá hliðum skálarinnar.

Skref4

• Látið deigið hefast í 30-40 mínútur þar til tvöfalt á stærð á hlýjum stað undir klút.
• Hvolfið úr skálinni á hveitistráð borð og hnoðið deigið eftir hefinguna.
• Takið til form – ferkantað form í stærð um 32 x 22 cm er mjög hentugt og hellið ólívuolíu í það.
• Mótið kringlóttar bollur (10-12 st.) úr deiginu og raðið þeim í formið.
• Hafið smá pláss á milli hverja bollu þar sem þær eiga eftir að hefast enn einu sinni.

Skref5

• Blandið hráefnin fyrir brauðsósuna saman í skál.
• Þrýstið varlega ofan á hverja bollu svo myndast lítil hola og setjið um eina tsk. af sósu í hverja bollu, dreifið sósunni örlítið yfir bolluna.
• Dreifið afganginum af sósunni yfir allar bollur ásamt skvettu af ólífuolíu og nokkrum saltflögum.
• Núna eiga bollurnar að hefast í annað sinn og eiga þær að hefast í rúmlega 30 mínútur.

Skref6

• Bakið brauðið neðarlega í ofninum í 25 – 30 mínútur.
• Ef bollurnar eru byrjaðar að dökkna í lok bökunartímans mæli ég með því að tylla álpappír ofan á brauðið og klára baksturinn.

Feta- og jalapena ídýfur

• Blandið hráefnunum fyrir sósurnar saman í sitt hvorri skálinni Smakkið til.
• Geymið í kæli þar til borið er fram.

Höfundur: Theodóra J. Sigurðardóttir Blöndal