Hrekkjavöku ostakúla með mexíkósku ívafi

Nú erum við stödd í miðjum Ostóber og Hrekkjavakan er á næsta leiti. Sú hefð hefur skapast hjá mörgum að bjóða vinum og fjölskyldu í partý af því tilefni og veitingarnar eru þá hafðar í anda hátíðarinnar. Þessi ostakúla er alveg stórkostleg, hún er einföld og alveg ótrúlega bragðgóð. Nokkrar tegundir af góðum ostum og smá mexíkósk stemning í bragðinu. Með kúlunni bar ég fram nokkrar mismunandi tegundir af kexi og snakki en einnig er gott að hafa með ferska papriku eða agúrkustangir t.d. Þessa verðið þið hreinlega að prófa!

Einfalt Ostaréttir Hrekkjavaka Ostar og ídýfur

Innihald

1 skammtar

	rjómaostur til matargerðar frá Gott í matinn
	Mexíkósk ostablanda frá Gott í matinn
	græn paprika, passið að geyma stilkinn
	vorlaukar
	rifinn cheddar ostur frá Gott í matinn
	taco kryddblanda
	ostasnakk, tegund skiptir ekki máli
•	plastfilma
•	4 gúmmíteygjur

Tillaga að meðlæti

•	flögur, kex, brauðstangir, paprika

Skref1

Saxið paprikuna og vorlaukinn smátt, blandið öllu saman í skál nema ostasnakkinu og hrærið vel saman.
Munið að geyma stilkinn af paprikunni!
Myljið ostasnakkið fínt í matvinnsluvél.

Skref2

Setjið tvöfalt lag af plastfilmu á borð og stráið helmingnum af ostasnakkinu á plastfilmuna, mótið rjómaostablönduna í kúlu með sleif í skálinni og skafið hana á ostasnakkið. Þjappið snakkinu lauslega yfir alla kúluna og pakkið inn.
Setjið teygjurnar yfir kúluna og setjið næstu alltaf þvert á svo að graskersmynstur myndist á kúluna.
Setjið í kæli og kælið að minnsta kosti yfir nótt.

Skref3

Takið þá kúluna úr kæli, klippið á teygjurnar og takið kúluna úr plastinu.
Setjið hinn helminginn af ostasnakkinu á bretti og þjappið muldu snakkinu jafnt yfir.
Snyrtið botninn á stilkinum af paprikunni og setjið í miðjuna á ostakúlunni.
Berið fram með allskyns flögum, kexi og grænmeti.

Höfundur: Valgerður Gréta Gröndal

Flokkur

Uppskriftir

Góð ráð