Hindberjadraumur með marsípan og súkkulaði tvisti

Marsípanbotn - aðferð

• Hitið ofninn í 175°C.
• Þeytið smjör og sykur saman, þar til blandan verður létt og ljós.
• Bætið við marsípaninu. Því næst koma eggin, setja eitt egg í einu og bæta líka við sýrða rjómanum.
• Að lokum er hveiti og lyftiduft sett út í. Þeyta þar til allt hefur blandast saman.
• Smyrjið form sem er ca. 24 cm að þvermáli með smjöri.
• Bakið í 20-25 mínútur, miðjan á að vera smá mjúk þegar þið takið kökuna út. Láta hana kólna og byrja að gera súkkulaðimúsina á meðan.

Súkkulaðimús - aðferð

• Setjið matarlímið í skál með köldu vatni. Látið þau liggja þar í nokkrar mínútur (eða þar til þau verða mjúk viðkomu).
• Bræðið súkkulaði og látið það kólna.
• Þeytið eggjarauðurnar þar til léttar og loftkenndar.
• Bætið við súkkulaðinu saman við eggjarauðurnar þegar það hefur kólnað.
• Setjið 3 msk. af köldu vatni í glas og hitið í örbylgju þar til hitinn er rétt undir suðumarki. Setjið matarlímið í glasið svo það bráðnar.
• Takið 2-3 skeiðar úr súkklaði -og eggjarauðu skálinni og setjið í glasið með matarlíminu. Hrærið því vel saman og þegar það er vel blandað þá helli ég öllu sem er í glasinu við súkkulaði- og eggjarauðu blönduna.
• Þeytið eggjahvítur og sykur þar til þær eru alveg stífar og blandið við súkkulaðiblönduna.
• Hrærið svo saman rjómanum og súkkulaðimjólkinni og blandið saman við hina blönduna. Hellið yfir marsípan botninn og frystið í minnst 3 tíma.

Hindberjamús - aðferð

• Loka hnykkurinn er svo hindberjamúsin.
• Setjið 3 matarlímsblöð í kalt vatn.
• Hitið í potti hindber, sykur, vanillusykur og sítrónusafa. Fáið suðuna upp og bætið þá matarlíminu við. Leyfið blöndunni að kólna.
• Þegar blandan er orðin köld bætið þá við sýrðum rjóma og þeyttum rjóma.
• Hellið yfir súkkulaðimúsina og frystið í lágmarki 3 klst. Best að hafa þetta yfir nótt.
• Skreytið með ferskum hindberjum og súkkulaði og borðið með bestu lyst.

Höfundur: Marthe Sördal