Heitur brauðréttur með skinku og brokkolí

Skref1

• Skerið skorpuna af brauðinu, brokkolí í munnstóra bita, saxið niður papriku og blaðlauk og skerið skinku í teninga.
• Steikið brokkolí upp úr ólífuolíu og hellið svo eins og 3 msk. vatni yfir til að mýkja það aðeins.
• Bætið meiri olíu á pönnuna þegar vatnið hefur gufað upp og steikið papriku og blaðlauk með þar til allt fer aðeins að mýkjast.
• Saltið og piprið eftir smekk

Skref2

• Smyrjið eldfast mót að innan með ólífuolíu (eða smjöri) og raðið tvöföldu lagi af brauðsneiðum í botninn.
• Hellið þá steiktu grænmetinu jafnt yfir brauðið og dreifið einnig úr skinkunni og búið næst til sósuna.

Skref3

• Hellið um helmingi rjómans á pönnuna og rífið báða kryddostana niður, hrærið þar til báðir hafa bráðnað og bætið þá restinni af rjómanum saman við og hrærið þar til kekkjalaust.
• Hellið sósunni yfir brauðið og grænmetið.
• Stráið vel af rifnum osti yfir allt saman og bakið í 180° heitum ofni í um 20 mínútur eða þar til osturinn fer að gyllast.

Höfundur: Berglind Hreiðarsdóttir