Heitt kakó með rjóma
Kókómjólkin klassíska kemur hér skemmtilega á óvart sem dásamlegt heitt kakó. Frábær leið til að útbúa heitt kakó með engri fyrirhöfn en á köldum mánuðum kemur oft löngun í heitan drykk og þá er frábært að geta skellt fyrirhafnarlaust í einn slíkan. Það að frysta rjómann er svo frábær leið til þess að kæla niður heitt kakó fyrir börnin og skemmtilegt á sama tíma. Hægt er að stinga út rjómann og geyma tilbúinn í boxi í frystinum. Alltaf tilbúinn í heita kakóið.
Innihald
4 skammtar
kókómjólk
rjómi frá Gott í matinn
| kókómjólk | |
| rjómi frá Gott í matinn |
Skref1
- Þeytið rjómann og finnið til bökunarpappír og gott að nota ofnplötu eða bakka sem passar í frystinn hjá ykkur.
- Leggið bökunarpappírinn yfir bakkann og dreifið rjómanum yfir, gott er að hann sé um 1-2 cm að þykkt.
- Frystið í 2 tíma.
Skref2
- Hitið kókómjólkina í potti eða örbylgjuofni, gott að slökkva undir rétt áður en hún fer að sjóða.
- Takið smákökuform og stingið út í rjómann meðan hann er frosinn og setjið út í heitt kakó.
Höfundur: Guðrún Ýr Eðvaldsdóttir