Heimalöguð tómatsósa með salami og kjúklingabaunum
Eru ekki allir að biðja um eitthvað fljótlegt og kósý í matinn þessa dagana? Þá er þessi pastaréttur gráupplagður. Verulega góður, auðveldur og fljótlegur. Dætur okkar eru líka hrifnar af honum sem fær hann til að falla í flokk góðs og matarmikils fjölskyldukvöldverðar!
Innihald
4 skammtar
rauðlaukur, saxaður
ólífuolía
salami, sjá skýringu
niðursoðnir tómatar
kjúklingabaunir, mega vera niðursoðnar
salt og svartur pipar
sykur
| rauðlaukur, saxaður | |
| ólífuolía | |
| salami, sjá skýringu | |
| niðursoðnir tómatar | |
| kjúklingabaunir, mega vera niðursoðnar | |
| salt og svartur pipar | |
| sykur |
Skref1
- Það má kaupa salami niðursneitt í áleggsbréfi eða heila pylsu. Gott er að nota pylsu til að fá stærri bita og gera réttinn meira djúsí. Í þetta magn þarf um 7 cm af pylsunni, hún er sneidd niður og skorin í bita. Um eitt áleggsbréf.
Skref2
- Mýkið lauk í olíu í potti eða á djúpri pönnu, bætið salamibitum saman við og látið malla í 5 mínútur, hrærið reglulega í á meðan.
Skref3
- Hellið tómötum í pottinn sem og baunum.
- Látið sósuna malla á vægum hita í 10-20 mínútur án þess að hafa lok yfir pottinum.
- Þannig nær hún að þykkna og ná þessum sælkeraeiginleikum.
Skref4
- Sykrið, þessu má sleppa en ég tek fram að það er oft mjög gott að setja örlítinn sykur í tómatsósur.
- Saltið og piprið.
- Berið loks fram með uppáhaldspastanu og rifnum parmesanosti.
Höfundur: Halla Bára Gestsdóttir