Heimagerð ísterta með bismark rjómasúkkulaði
Ís og ístertur eru hluti af hátíðahöldunum. Það er virkilega gaman að búa til sinn eigin ís og bera fram í boðinu. Það er líka mjög auðvelt að bæta við botni, setja ísinn ofan á og gera ístertu. Ef þig langar í ferska og bragðgóða ístertu þá er þessi málið. Þessi uppskrift er mild og góð. Vel hægt að sleppa botninum og gera dásamlegan bismarkís.
Innihald
12 skammtar
Botn:
pakki Pólókex
smjör, brætt
sykur
Ís:
eggjarauður
sykur
vanilludropar
rjómi frá Gott í matinn
pakki rjómasúkkulaði bismark - brytjað
Skreyting:
marssúkkulaði
rjómasúkkulaði
rjómi frá Gott í matinn (4-6 msk.)
| pakki Pólókex | |
| smjör, brætt | |
| sykur |
| eggjarauður | |
| sykur | |
| vanilludropar | |
| rjómi frá Gott í matinn | |
| pakki rjómasúkkulaði bismark - brytjað |
| marssúkkulaði | |
| rjómasúkkulaði | |
| rjómi frá Gott í matinn (4-6 msk.) |
Botn
- Kexið er mulið í matvinnsluvél, smjörið brætt og blandað saman við ásamt sykrinum.
- Blandan er sett í smurt bökunarform.
- Sett í kæli.
Bismarkís
- Eggjarauður og sykur er þeytt vel saman. Vanilludropunum blandað saman við. Rjóminn er þeyttur í annarri skál og síðan settur varlega saman við. Að lokum er súkkulaðið brytjað og blandað saman við.
- Ísblöndunni er hellt yfir kexbotninn og síðan fryst. Gott að taka tertuna út um 30 mínutum áður en bera á ísinn fram til að leyfa botninum að mýkjast.
- Ef þú átt ísgerðarskál þá er hægt að hella blöndunni í skálina og leyfa henni að hrærast í 20 mínútur en þannig verður ísblandan silkimjúk. Ísinn er þá settur yfir kexbotninn nánast tilbúinn og því hægt að bera fram kökuna strax.
- Einnig er hægt að borða ísinn einan og sér en hann er einstaklega bragðgóður.
Skreyting
- Ístertan er skreytt með karamellusósu sem búin er til úr marssúkkulaði, rjómasúkkulaði og rjóma sem hituð eru saman í potti og síðan hellt yfir.
Höfundur: Hjördís Dögg Grímarsdóttir