Heilgrillaður ostakubbur með grænmeti
Þessi réttur getur líka staðið einn og sér sem aðalréttur en þá er gott að bera hann fram með fersku salati eða brauði.
Innihald
1 skammtar
paprikur, t.d. gular og rauðar (3-4 stk.)
stórir tómatar (3-4 stk)
ostakubbur frá Gott í matinn (áður fetakubbur)
•
ólífuolía
ferskt timían
bbq sósa að eigin vali
•
salt og pipar
•
ferskur graslaukur
| paprikur, t.d. gular og rauðar (3-4 stk.) | |
| stórir tómatar (3-4 stk) | |
| ostakubbur frá Gott í matinn (áður fetakubbur) | |
| • | ólífuolía |
| ferskt timían | |
| bbq sósa að eigin vali | |
| • | salt og pipar |
| • | ferskur graslaukur |
Skref1
- Takið fetakubbinn úr umbúðunum og þerrið vel með pappír.
- Leggið á disk og hellið ólífuolíu yfir, um það bil 2 msk.
- Penslið ostinn vel með olíunni báðum megin.
- Stráið jafnt yfir ostinn söxuðu fersku timíani og kryddið með pipar.
Skref2
- Skerið paprikuna í stóra bita og tómatana í tvennt.
- Setjið í skál, hellið 1-2 msk. af ólífuolíu yfir ásamt bbq sósu, kryddið með 1 msk. af fersku timíani, salti og pipar og veltið öllu saman.
Skref3
- Grillið grænmetið og ostinn á vel heitu grilli í um það bil 8-10 mínútur.
- Passið að fylgjast vel með grænmetinu og snúa því reglulega.
- Snúið ostinum með stórum og góðum spaða eftir 3-4 mínútur og grillið áfram í aðrar 3-4 mínútur.
- Osturinn á að vera mjúkur en enn dálítið stinnur í miðjunni.
Skref4
- Raðið grænmetinu á disk og skerið ostinn í bita og dreifið yfir.
- Dreifið að lokum ferskum graslauk yfir allt saman ásamt dálítilli ólífuolíu.
- Berið fram strax.
Höfundur: Helena Gunnarsdóttir