Hátíðarostabakki
Það er alltaf tilefni til að gera fallegan ostabakka og fátt jafn vinsælt á veisluborðinu. Gaman er að leika sér með mismunandi litaþemu og tilvalið að gera 17. júní bakka! Einfalt er að vinna með litina til dæmis með því að vera með sælgæti í rauðum, bláum og hvítum svo er hægt að vinna með rauð ber, tómata og bláber sem smellpassa á móti hvítum gómsætum ostunum. Hér er um að gera að gefa hugmyndafluginu lausan tauminn og skera ostana með óhefðbundnum hætti og raða þeim skemmtilega upp.
Innihald
1 skammtar
Stóri Dímon
Dala hringur
Dala Camembert
Mozzarellakúlur með basilíku eða hefðbundnar
•
salami
•
smágúrkur
•
kirsuberjatómatar
•
jarðarber
•
hindber
•
bláber
•
fjölbreytt kex og sælgæti
| Stóri Dímon | |
| Dala hringur | |
| Dala Camembert | |
| Mozzarellakúlur með basilíku eða hefðbundnar | |
| • | salami |
| • | smágúrkur |
| • | kirsuberjatómatar |
| • | jarðarber |
| • | hindber |
| • | bláber |
| • | fjölbreytt kex og sælgæti |
Aðferð
- Skerið Stóra Dímon þvert í fjórar þykkar sneiðar.
- Skerið Dala hring í tvennt, látið standa eins og regnboga og skreytið með litlum pinnum með berjum.
- Raðið salamisneiðum ofan á brún á glasi þannig að úr verði rós og setjið á miðjuna á bakkanum.
- Raðið gúrkusneiðum í kringum salamirósina.
- Þræðið mozarellakúlur upp á spjót með tómötum.
- Skerið aðra osta í bita og sneiðar og leggið fallega á bakkann.
- Fyllið upp með berjum, sælgæti og kexi.
Höfundur: Helena Gunnarsdóttir