Hamborgari með piparostafyllingu
Algjör lúxusborgari sem vert er að eyða tíma í sem og njóta. Piparosturinn gefur mjúkt, kremkennt og kryddað bragð í borgarann sem er gott á móti sætu og söltu í lauknum og beikoninu.
Innihald
4 skammtar
Hamborgarar
vandað nautahakk
steinselja, söxuð
brauðmylsna
piparostur, skorinn í litla teninga, um 5-8 teningar í hvern borgara
dijon hunangssinnep
egg
sjávarsalt
piparostur, skorinn í þunnar sneiðar (ofan á steiktan hamborgarann)
snöggsteikt beikon, smátt saxað
Rauðlaukur í ediki - meðlæti
rauðlaukur, sneiddur örþunnt
hvítvíns- eða rauðvínsedik
sykur
salt
Annað meðlæti
majones
stór og rauður tómatur, skorinn í vænar sneiðar
ferskt og brakandi salat, ekki iceberg heldur meira grænt
rauðlaukur í þunnum sneiðum
súrar gúrkur, litlar og heilar, skornar í sneiðar endilangt
vönduð hamborgarabrauð
| vandað nautahakk | |
| steinselja, söxuð | |
| brauðmylsna | |
| piparostur, skorinn í litla teninga, um 5-8 teningar í hvern borgara | |
| dijon hunangssinnep | |
| egg | |
| sjávarsalt | |
| piparostur, skorinn í þunnar sneiðar (ofan á steiktan hamborgarann) | |
| snöggsteikt beikon, smátt saxað |
| rauðlaukur, sneiddur örþunnt | |
| hvítvíns- eða rauðvínsedik | |
| sykur | |
| salt |
| majones | |
| stór og rauður tómatur, skorinn í vænar sneiðar | |
| ferskt og brakandi salat, ekki iceberg heldur meira grænt | |
| rauðlaukur í þunnum sneiðum | |
| súrar gúrkur, litlar og heilar, skornar í sneiðar endilangt | |
| vönduð hamborgarabrauð |
Hamborgarar
- Hrærið allt hráefnið saman í hamborgarana.
- Mótið hamborgara í þeirri stærð sem þið kjósið og geymið í ísskáp í a.m.k. klukkustund áður en þeir eru steiktir eða grillaðir.
- Kjötið dugar í 4-6 hamborgara eftir því hvað fólk vill hafa þá þykka.
- Steikið borgarana á pönnu, eða grillið, þar til þeir hafa lokað sér vel.
- Leggið á þá sneiðar af piparosti og smátt söxuðu beikoni.
- Stingið borgurunum í heitan ofn í nokkrar mínútur, eða þar til osturinn ofan á er mjúkur og passlega bráðinn og borgarinn eldaður að smekk hvers og eins.
Rauðlaukur í ediki
- Hrærið allt hráefnið saman og látið standa í a.m.k. klukkustund áður en laukurinn er settur á hamborgarann.
- Rauðlaukinn má líka bera fram á borgaranum án þess að fara þessa leiðina en hún skemmir ekki!
Samsetning
- Smyrjið brauðin með vönduðu majónesi.
- Leggið salatblað á neðra brauðið og væna tómatsneið ofan á, þá borgarann.
- Ofan á borgarann fer rauðlaukurinn, ofan á hann fara gúrkurnar og þá efra brauðið.
Höfundur: Halla Bára Gestsdóttir