Grillaður ostakubbur
Grillaður ostakubbur með grísku ívafi er frábær sem forréttur borinn fram með brauði, kexi eða snakki já eða sem meðlæti með grillmatnum eða fylling í bakaðar kartöflur.
Innihald
1 skammtar
ostakubbur frá Gott í matinn
rauð paprika
blaðlaukur
grænar ólífur (5-10 stk.)
ólífuolía
óreganó
•
salt og pipar eftir smekk
| ostakubbur frá Gott í matinn | |
| rauð paprika | |
| blaðlaukur | |
| grænar ólífur (5-10 stk.) | |
| ólífuolía | |
| óreganó | |
| • | salt og pipar eftir smekk |
Skref1
- Byrjið á að kveikja á grillinu en einnig er hægt að elda ostinn í ofni.
- Takið fram álpappír, um30 cm á lengd og setjið ostakubbinn fyrir miðju.
- Skerið þá grænmetið smátt niður og blandið saman í skál, setjið grænmetið ofan á ostinn.
- Dreifið olíunni yfir ostinn og grænmetið, sáldrið óreganó yfir og toppið með salti og pipar.
Skref2
- Brjótið þá álpappírinn saman, ég tek hann saman í miðjunni og brýt hann niður nokkrum sinnum og tek síðan hliðarnar inn.
- Setjið á grillið og leyfið að eldast í 15-20 mín. Osturinn ætti þá að vera orðinn vel bræddur.
- Berið strax fram með góðu brauði, kexi, eða snakki.
- Hafið ostinn í álpappírnum til að halda hita á honum en hann er snöggur að forma sig aftur.
Höfundur: Guðrún Ýr Eðvaldsdóttir