Grillaður calzone með skinku og sveppum
Eftir hörkuvetur er svo dásamlegt að draga grillið fram að nýju. Þennan ljúffenga calzone eða hálfmána er upplagt að baka á grillinu en má auðvitað líka baka í ofni. Við styttum okkur leið með því að kaupa tilbúið pizzudeig og pizzasósu og fyllum svo með áleggi og nóg af osti, penslum með hvítlauksolíu og rétturinn slær í gegn!
Innihald
1 skammtar
tilbúið pizzadeig
•
pizzasósa eftir smekk
•
skinka
rifinn Pizzaostur frá Gott í matinn
•
sveppir
•
hvítlauksolía
•
pizzakrydd
| tilbúið pizzadeig | |
| • | pizzasósa eftir smekk |
| • | skinka |
| rifinn Pizzaostur frá Gott í matinn | |
| • | sveppir |
| • | hvítlauksolía |
| • | pizzakrydd |
Skref1
- Hitið grillið á fullan hita eða bakarofn í 240 gráður.
- Fletjið pizzadeigið út í hring og leggið á bökunarpappír.
Skref2
- Penslið helminginn af hringnum með þunnu lagi af pizzasósu, setjið nóg af osti ofan á sósuna ásamt skinku og þunnt sneiddum sveppum.
- Leggið hinn helminginn yfir áleggið og þrýstið samskeytunum vel saman til að loka hálfmánanum.
- Stráið pizzakryddi og dálítið af rifnum osti yfir.
Skref3
- Setjið á vel heitt grillið og slökkvið strax á þeim brennara sem er beint undir hálfmánanum.
- Látið bakast á lokuðu grilli við óbeinan hita í um það bil 10-15 mínútur eða þar til hálfmáninn er gullinbrúnn og osturinn vel bráðnaður.
Höfundur: Helena Gunnarsdóttir